ဇန်နဝါရီ ၃၁-၂၀၂၃
KK(VOM)
ရန်ကုန်တိုင်းအတွင်းရှိ မြောက်ဒဂုံ၊သန်လျင်၊မရမ်းကုန်းနဲ့ ရွှေပြည်သာမြို့နယ်မှာ ဇန်နဝါရီလအတွင်း အထောက်အထားမဲ့ (၁၄၈)ဦးဖမ်းဆီးခံရပြီး (၇၇)ဦးကို လဝကဥပဒေနဲ့ ထောင်ဒဏ် ၂ နှစ်အမိန့်ချထားတယ်လို့ ဖမ်းဆီးခံရတဲ့ မြို့နယ်တွေဆီက သိရပါတယ်။
မြောက်ဒဂုံမြို့နယ်၊ ၁၆ ရပ်ကွက်၊ တိုးကြောင်လေးဘူတာမှာ ဇန်နဝါရီ၂ ရက်နေ့ မနက်ပိုင်းက ရထားလက်မှတ်ဝယ်ဖို့စောင့်နေတဲ့ ပွဲစားနှစ်ဦးနဲ့ အထောက်အထားမဲ့ အမျိုးသား(၈)ဦး၊ အမျိုးသမီး တဦးဖမ်းဆီးရမိခဲ့တယ်လို့ မြို့ခံတဦးက VOM ကိုပြောပါတယ်။
“မြောက်ဒဂုံမှာ ဖမ်းမိတဲ့သူတွေကတော့ အမှုဖွင့်စစ်ဆေးနေတုန်းပဲ အခုလောက်ဆို အမှုက တရားရုံးတောင် ရောက်နေုပြီ”လို့ ပြောပါတယ်။
သံလျင်မြို့နယ်၊ မြို့ဟောင်းအရှေ့ရပ်ကွက်၊ ဘုရားနီ ပေ ၃၀ လမ်းက နေအိမ်တစ်အိမ်မှာ ဇန်နဝါရီ ၂ ရက်က ရခိုင်ပြည်နယ်ဘက်က ရောက်လာတဲ့ အထောက်အထားမဲ့( ၇၇)ဦးကို ဧည့်စာရင်းဝင်စစ်ရင်း ဖမ်းဆီးရမိခဲ့တယ်လို့ မြို့ခံတဦးက VOM ကိုပြောပါတယ်။
“အဲ့ဒီ ၇၇ ဦးကို ဒီလထဲမှာပဲ လဝကဥပဒေပုဒ်မ ၆(၃)နဲ့ ထောင် ၂ နှစ်စီချလိုက်တယ် အိမ်ရှင်ကတော့ ထွက်ပြေးနေတယ် ဖမ်းမိမိဘူး”လို့ ပြောပါတယ်။
ရွှေပြည်သာမြို့နယ်အတွင်းမှာ ဇန်နဝါရီလ ၆ ရက်က အထောက်အထားမဲ့ အမျိုးသား ၁၉ ယောက်နဲ့အမျိုးသမီး ၈ ဦးတို့ကို ဖမ်းဆီးရမိခဲ့တယ်လို့ သိရပါတယ်။
ရန်ကုန်မှာ တစ်လအတွင်း ဖမ်းဆီးခံထားရတဲ့ အထောက်အထားမဲ့ (၁၄၈)ဦးထဲမှ (၇၇)ဦးကို လက်တလောမှာ လဝကဥပဒေပုဒ်မ ၆(၃)နဲ့ ထောင်ဒဏ် ၂ နှစ်စီချထားပြီး ကျန်တဲ့(၆၁)ဦးမှာ အမှုရင်ဆိုင်နေဆဲဖြစ်ပါတယ်။
ပြီးခဲ့တဲ့ ၂၀၂၂ ခုနှစ် အထောက်အထားမဲ့ နှစ်ထောင်ကျော်ဖမ်းဆီးခံရပြီး သေဆုံးခဲ့သူတွေရှိသလို လဝကဥပဒေနဲ့ထောင်ကျခံနေရသူတွေလည်းရှိပါတယ်။
VOM လက်လှမ်းမီသမျှ စုဆောင်းရတဲ့ သတင်းအချက်အလက်များသာဖြစ်ပြီး ကျန်တဲ့ဖြစ်စဉ်များ ရှိနေနိုင်ပါသေးတယ်။
#voiceofmyanmar #VOM #ရန်ကုန် #အထောက်အထားမဲ့ဖမ်းဆီးရရှိမှု
